Page Title

શ્રી કે.બી. કરણાવત પ્રાથમિક શાળામાં ‘સ્વયં શિક્ષક દિન’ની ઉત્સાહભેર ઉજવણી શ્રી કે.બી. કરણાવત
પ્રાથમિક શાળા ખાતે તારીખ ૭ સપ્ટેમ્બર, ૨૦૨૬ ને સોમવારના રોજ 'સ્વયં શિક્ષક દિન'ની ખૂબ જ ઉત્સાહપૂર્વક ઉજવણી કરવામાં આવી હતી, જેમાં શાળાના ૭૦ બાળકોએ ભાગ લઈને સમગ્ર દિવસ દરમિયાન શિક્ષક બનીને શૈક્ષણિક કાર્ય સંભાળ્યું હતું. આ આયોજન હેઠળ બાળકોમાંથી જ આચાર્ય, ઉપ-આચાર્ય અને સુપરવાઇઝરની પસંદગી કરવામાં આવી હતી, જેમણે દિવસ દરમિયાન શિક્ષક બનેલા વિદ્યાર્થીઓના કામનું સતત મૂલ્યાંકન કર્યું હતું. કાર્યક્રમના કન્વીનર વિશાલભાઈ સાહેબે ઉમદા કામગીરી કરી હતી, તેમજ શાળા મંડળના હોદ્દેદારો, શાળાના આચાર્યશ્રી અશોકભાઈ પટેલ અને શ્રી સોનલબેન પંડ્યાએ બાળ-શિક્ષકોના કાર્યને ખૂબ બિરદાવ્યું હતું. દિવસના અંતે યોજાયેલા સમાપન સમારોહમાં શિક્ષક બનેલા બાળકોએ પોતાના પ્રતિભાવો રજૂ કર્યા હતા અને શાળા પરિવાર તરફથી તમામ ભાગ લેનાર બાળકોને ગિફ્ટ આપી પ્રોત્સાહિત કરવામાં આવ્યા હતા તથા આચાર્યશ્રી દ્વારા તેમને ખૂબ ખૂબ અભિનંદન પાઠવવામાં આવ્યા હતા.

View More Photo